Ліст Яго Эксцэленцыі Мітрапаліту Мінска-Магілеўскаму Арцыбіскупу Тадэушу Кандрусевічу

У 2009 г. спаўняецца 1000 гадоў ад першай згадкі ў гістарычных крыніцах найменьня Літва (Літуа/Літовія) – назвы нашай старажытнай краіны, якая адбылася ў сувязі з місіяй сьв. Бруна Квэрфурцкага, забітага ў 1009 г. паганцамі “на мяжы Літвы і Русі”. Фактычна гэта была першая, зафіксаваная ў гістарычных крыніцах, спроба пашырэньня заходняга хрысьціянства на нашых землях. Сьвяты Бруна зьяўляецца патронам Ломжынскай дыяцэзіі на тэрыторыі Польшчы. У Беларусі створаны Камітэт па падрыхтоўцы і сьвяткаваньні гэтага юбілею. У ліку мерапрыемстваў прапануем ажыцьцявіць усталяваньне памятных шыльдаў у Касьцёле Імя Найсьвяцейшай Марыі Панны (Катэдральным) у Мінску, а таксама Касьцёле Перамяненьня Пана (Фарным) г. Наваградак, якія б сьведчылі аб згаданым юбілеі. Просім аб удзяленьне пастырскага блаславенства для прадстаўленай справы.

Cпампаваць ліст у фармаце *.pdf